രാജാക്കന്മാരുടെ രാജാവേ - Rajakkanmarude Rajave Malayalam Lyrics

രാജാക്കന്മാരുടെ രാജാവേ

രാജാക്കന്മാരുടെ രാജാവേ

നിന്‍റെ രാജ്യം വരേണമെ

നേതാക്കന്മാരുടെ നേതാവേ

നിന്‍റെ നന്മ നിറയണമെ (രാജാ..)

1

കാലിത്തൊഴുത്തിലും കാനായിലും

കടലലയിലും കാല്‍വരിയിലും

കാലം കാതോര്‍ത്ത് നില്‍ക്കുന്നവിടുത്തെ

കാലൊച്ച കേട്ടു ഞങ്ങള്‍

കാലൊച്ച കേട്ടു ഞങ്ങള്‍ (രാജാ..)

2

തിരകളുയരുമ്പോള്‍  തീരം മങ്ങുമ്പോള്‍

തോണി തുഴഞ്ഞു തളരുമ്പോള്‍

മറ്റാരുമാശ്രയമാകുകില്‍ നിന്‍ വാതില്‍

മുട്ടുന്നു മെല്ലെ തുറക്കുകില്ലേ

വാതില്‍ മുട്ടുന്നു മെല്ലെ തുറക്കുകില്ലേ (രാജാ..)